प्रेम : आनन्दको अभिव्यक्ति

प्रेम : आनन्दको अभिव्यक्ति

धन हुने व्यक्तिले धन दिन सक्छ, गरीवले दिन सक्दैन । रिसाहा व्यक्तिले रिस
नै दिन्छ, प्रेम दिन सक्दैन । जो वक्तिसँग प्रेम छ, उसले घृणा दिन सक्दैन ।
प्रेम गर्ने व्यक्तिले प्रेमको माग गर्दैन, ऊसँग भएको कुरा उसलाई किन चाहियो
र ? यो संसारमा त्यो व्यक्तिले मात्र प्रेम दिन सक्छ, जसलाई अरुबाट प्रेम
चाहिएकै छैन । महावीर, बुद्ध यस्ता व्यक्ति हुन् जसले मानिसलाई प्रेम मात्र दिन
सक्थे ।

    मको वास्तविक अर्थ हो दिनु । प्रेम गर्नेले गुनासो गर्दैन, केवल प्रेम गर्छ ।
यदि कसैले म तिमीलाई प्रेम गर्छु भन्छ, तर यसो भएन, उसो भएन भनेर गुनासो
गर्छ भने बुझ्नुपर्छ, यसले तिमीलाई प्रेम गर्दैन । तिमीले प्रेम गरे म प्रेम गर्छु
नगरे गर्दिनँ भन्यो भने त्यो प्रेमी होइन, व्यापारी हो । व्यापारमा लेनदेन हुन्छ
प्रेममा होइन ।

    ज स-साना कुरामा प्रेमी-प्रेमीका छुट्टिन्छन् । आखिर किन ? कारण के भने दुईबीचको लेनदेनमा गडबड भयो । यसको अर्थ हो, मैले परेमी वा प्रेमीकासँग जति
र जसरी चाहेको थिएँ, अर्कोले त्यति र त्यसरी दिन सकेन । प्रेमीले सोच्यो मैले
दिएँ... तर अर्कोले त्यति प्रतिफल प्राप्त गर्न सकेन ।यतिमै सबै प्रकारको लेनदेन
बिग्रन्छ । वाहिर हेर्दा प्रेम बिछोड देखिन्छ, तर भित्री कुरा के हो भने दुवैबीच
लेनदेन बिग्रिएको रहेछ । जहाँ प्रेमको अर्थ लिनु होइन, दिनु मात्र रहन्छ, त्यसबेला
प्रेम टुट्दैन, बरु झाँगिदै जान्छ । जुन स्थानमा प्रेमलाई दिने वस्तुका रुपमा
बुझिन्छ, त्यस्तो स्थानमा इश्वरले चाहेर पनि त्यो प्रेम टुटाउन सक्दैनन् । प्रेममा
कुनै कन्डिसन हुनुहुँदैन, निःसर्तता नै प्रेमकौ वास्तविक रूप हो ।

    ममा त्यो व्यक्ति पर्छ, जो आनन्दित हुन्छ । जो दुःखी छ, त्यस्तो व्यक्तिले
अरूलाई प्रेम दिन सक्दैन, उसले प्रेमको माग मात्र गर्छ । प्रेम यसकारण माग्छ
कि ऊसको दुःख सकियोस् । आखिर प्रेमको माग किन गरिन्छ ? दुःख हटाउन ।
सबै दुःखी वक्ति प्रेम चाहान्छन्, अरुबाट । यदि कसैले भन्छ म तिमीलाई प्रेम
गर्छु, त्यसबेला बुझ्नुपर्छ ऊ भित्र दुःखी छ । दुःखी व्यक्तिबाट प्रेमको आशा राख्नु
मुर्खता हो ।

     एकपल्ट फेरि सम्झाउँछु । यसलाई राम्रोसँग बुझ । केहि व्यक्ति दुःखी छ,
उसले प्रेमको माग गर्छ । यदि कोही व्यक्ति सुखी छ भने उसले तिमीलाई आनन्दित
तुल्याउँछ । तिमीसँग प्रेमको माग गर्नु र तिमीलाई आनन्द दिनु दुई फरक कुरा
हुन् ।जो व्यक्ति आनन्दित छ, उसले दुःखीलाई पनि सुखी तुल्याउँछ । उसको छेउमा
आनन्द बर्षिरहेको हुन्छ । तिमी भिखारीसँग जीवन बिताउन चाहान्छौ कि आनन्दसँग,
त्यो तिम्रो निर्णय हो ।

(यो लेख करिब ३ बर्ष अगडी को कन्तिपुर सप्तहिक बाट लिएको हु ।)