सिमसिमे पानि पर्दैछ आज ।
माया नि नजिकै सर्दैछ आज ।
भावुक नि निकै बनियो क्यार ।
मायाले मुटु नि भर्दैछ आज ।
नजिकै जान्छ फुट्दैन बोली ।
बोल्ने आश पनि मर्दैछ आज ।
तन डर्छ अलि र बाँकि मन ।
अनि पुरै ज्यान डर्दैछ आज ।
चुप म नि अनि चुप उ पनि ।
दुवैको मन के गर्दैछ आज ।
निडर भएर नि डराउने म ।
मेरो नै पो सेखि झर्दैछ आज ।
प्रतिलिपी अधिकार ©२०७० सिजन
तामाङ् वाईबा ।
भूमेस्थान्, धादिङ
हाल सतुङ्गल KTM ।
No comments:
Post a Comment